This is your Project Page. It's a great opportunity to help visitors understand the context and background of your latest work. Double click on the text box to start editing your content and make sure to add all the relevant details you want to share.
離火咖啡研究所
一個關於離火，咖啡，和研究所的故事
發佈日期: 11/09/2021
只有中文版本。
離火
當問起為什麼咖啡店會起名「離火咖啡研究所 Quench Coffee Labo」，創辦人之一的Don解釋道，「其實Quench嘅意思係『淬火』，即係煉鋼的一個熱處理工序。將金屬加工到一定溫度以後，即刻放入水急速冷卻，咁就提高左金屬的硬度同強度。」
「咦？我即刻諗起日本武士刀嘅鍛造過程中，將燒紅的刀身放入水，滋滋聲嘅畫面喔！」，筆者道。
「係啊就係呢個畫面。一開始我地嘅logo其實有諗過用武士刀去㗎。因為做人又好，做咖啡店又好，我哋依家經歷緊嘅就好似淬火鍛造過程。要經歷高溫高壓，先會更好。」
「喔！所以中文名叫離火都係咁解。」
這時候咖啡主理人Johnson走過來答道：「其實離火係易經八卦之一，離為火，火向上燃燒，代表重生、正直、美麗嘅意思。」
「唔係好明，但係又好有意思咁。」
Don笑道：「你睇個logo啦，其實一橫兩橫咁排列，組合出嚟就係『離火』 嘅卦象。好似摩斯電碼咁，一條長橫，同埋下面兩條短橫，就係易經系統嘅基本語言符號。電子世界都係由0，1組成。唔同的排列組合，就係卦象世界嘅語言啦。」
black.png)
離火咖啡研究所的圖標 (圖片來源: 離火咖啡研究所)
筆者恍然大悟。
Johnson說道興起，「五行金木水火土，相生相克相互輪迴。我哋依家2021年，用易經的系統劃分，就係屬『土』，過去廿幾年，都係『土』嘅時代，旺地產業；而2024至2044年，『火』就當道。咖啡係屬火，因為炒豆需要火。」
「所以咖啡行業，係順勢嘅。」
「無錯，餐飲都屬火。你哋IT都算，因為電都屬火。」Johnson補充。
Gafe的筆者聽完，都倍感信心。
咖啡
離火咖啡研究所的舖面 (圖片來源: 離火咖啡研究所)
離火咖啡研究所，英文名Quench Coffee Labo。開設在觀塘觀點中心的一間精品咖啡店。正如上文説述，英文名來自幕後主理人Don，中文名來自咖啡主理人Johnson。
「咦，咁咪好似父母幫BB起名，一個起英文名，一個起中文名咁？」
兩位同時笑了。
「係啊！其實離火都係我地個BB，一齊孕育一齊精心培養，睇住佢由零開始一點一滴成長，都充滿住感情。」Don回覆的時候認真又有些許靦腆，少了一點平時的睿智。
「我女朋友都話我見Don多過見佢啦！」Johnson在一旁補充。
Johnson加Don，一位屢獲殊榮頗有名氣的咖啡界『老師傅』；一位充滿商業才華談笑風生的幕後智將，兩位就是離火所這間充滿生機加一點神祕色彩的咖啡小店的家長。他們兩位坐在一起時，會有一種情侶都會艷羨的默契。
咖啡主理人Johnson - Don害羞不露面 (圖片來源: Gafe Limited)
「咁你地係點樣識架？」
Don接了這個問題，指住Johnson道：「其實我之前係佢嘅客。我以前份工成日OT，放工後就會去深水埗一間咖啡店飲夜啡。果陣時Johnson係果度做，除左沖咖啡，都成日同我傾計。慢慢就有咗一種信賴嘅關係。相識三、四年，大家都經歷咗唔少波折，就同佢一拍即合開間咖啡店。」
對於Don， 離火是一種營生的途徑，又是一個將興趣轉化成為職業，去創造廣闊天空的理想的起點。
「咁點解會選擇觀塘開舖？」
「我哋覺得觀塘呢個地方係商業區同民生區嘅交界，近海有寫字樓同商場，近山果邊就係住宅區，係一個充滿活力又貼地嘅區域，對咖啡嘅需求都好『齊全』。我哋創辦離火，係想提供高質素嘅咖啡同嘢食俾大家。」
Johnson 在沖煮咖啡 (圖片來源: 離火咖啡研究所)
一部分為了測試自己是否「寶刀未老」，一部分為了新開的離火累積名氣，已經屢獲殊榮的Johnson早前參加了精品咖啡協會（SCA）舉辦的2021年度香港咖啡杯測師（Cup Tasting）大賽，並且取得第四名的好成績。說起比賽，Johnson感慨，當日狀態不是最好，如果可以再快些，或者「估啱多一杯」，成績就會再靠前一點。
2021年度香港咖啡杯測師大賽比賽中的Johnson (圖片來源: 離火咖啡研究所)
Johnson亦是一位國際咖啡品質鑒定師（Q Arabica Grader）。這是一個很有份量的銜頭，代表持有者擁有世界頂尖的感官及對生熟咖啡味道的判斷能力。擁有此認證的人，可以在大型咖啡公司專職對咖啡豆進行評鑑，是一個人工不菲且地位超然的工種。但是Johnson選擇自己做老闆另闢天地。
... 更多